旅遊攻略－台北（美食篇）
去旅行好多人都會去搵唔同既地道小食，去到台灣，我相信滷水一定係大家既必食清單入面！今日我地就介紹一間係台北101地底美食廣場既一間小食店，聖巴黎。
同一般鹵水店一樣，佢地都係有豆腐鴨舌豬血糕等等既選擇。如果你胃既空間有限，等我介紹你集中試兩款我認為好正既款式，就係甜不辣同焦糖鹵蛋。
甜不辣，相信大家係台灣既夜市一定試過，呢度既甜不辣，就好似鹵水炸魚蛋既感覺，個口感好彈牙，好鹵水汁好入味，小小甜又唔會太咸！
至於個焦糖鹵蛋，真係我真心十百分既推介！滷水蛋本身已經好正，仲要有小小既焦糖香，但又唔會搶哂鹵水既味道！兩者配合得天衣無縫！如果唔怕膽固醇既，食多兩隻都抵，反正只係50TWD4件，而呢4件係可以配搭咖！
聖巴黎
台北101地底美食廣場
Search